Ինչպես հայտնում է Mundo Deportivo-ն՝ «Ալ Նասր» ֆուտբոլային ակումբի պորտուգալացի հարձակվող Կրիշտիանու Ռոնալդուն մտադիր է հեռանալ թիմից։ Պորտուգալացին հիասթափված է, որ Սաուդյան Արաբիայում մարզական ենթակառուցվածքները չեն զարգանում։
Ռոնալդուի ներկայացուցիչներն արդեն սկսել են նոր ակումբի փնտրտուքները:
Հիշեցնենք, որ Կրիշտիանու Ռոնալդուն «Ալ Նասրի» գույները պաշտպանում է 2022 թվականի դեկտեմբերից և 14 խաղում խփել է 13 գոլ, կատարել 2 ասիստ: Ըստ ոչ պաշտոնական տվյալների՝ Պորտուգալիայի ազգային հավաքականի պատմության գլխավոր ռմբարկուն Սաուդյան Արաբիայում վաստակում է տարեկան 200 միլիոն եվրո:
