Ինչպես հաղորդում է Todofichajes-ը՝ «Բարսելոնայի» իսպանացի հարձակվող Անսու Ֆատին կարող է կարիերան շարունակել Մադրիդի «Աթլետիկոյում»։
Ֆատիի պայմանագրի ժամկետը կատալոնական ակումբի հետ նախատեսված է մինչև 2027 թվականի հունիսի 30-ը:
Ընթացիկ մրցաշրջանում Ֆատին «Բարսելոնայի» կազմում մասնակցել է 48 խաղի, խփել 7 գոլ, կատարել 4 արդյունավետ փոխանցում:
Աղբյուրի փոխանցմամբ՝ կողմերն առաջիկայում կնստեն բանակցությունների։
Հիշեցնենք՝ Ֆատին իր տեղը չի կարողանում գտնել կատալոնական թիմում և մամուլն անընդհատ գրում է, որ ՊՍԺ-ի հարձակվող Լիոնել Մեսսիի ակումբ վերադառնալու դեպքում Ֆատին պետք է հրաժարվի նաև 10 համարի մարզաշապիկից։
