«Մանչեսթեր Սիթիի» գլխավոր մարզիչ Խոսեպ Գվարդիոլան մեկնաբանել է կիսապաշտպան Քևին Դե Բրույնեի պահվածքը Չեմպիոնների լիգայի կիսաեզրափակչի՝ «Ռեալի» դեմ խաղի ժամանակ (4:0): Բելգիացին խաղի ընթաքում շրջվել է դեպի մարզիչների կողմն ու բղավել. «Լռի՛ր, լռի՛ր»։
«Երբ հաշիվը 2:0 էր, մենք շատ էինք շտապում: Ընդմիջումից անմիջապես հետո Գյունդողանը կորցրեց գնդակը, իսկ Քևինը երեք փոխանցում կատարեց, որոնք պետք չէին։ Մենք շտապում էինք, բայց պետք էր հակառակն անել՝ շրջել խաղը, պահել գնդակը։ Բայց դա նորմալ է»,- Գվարդիոլայի խոսքերն է մեջբերում Movistar-ը։
Չեմպիոնների լիգայի եզրափակչում «Մանչեսթեր Սիթին» կմրցի «Ինտերի» հետ։ Հանդիպումը տեղի կունենա Ստամբուլում հունիսի 10-ին։
