Իսպանիայի չեմպիոն Մադրիդի «Ռեալի» գլխավոր մարզիչ Կառլո Անչելոտին Անգլիայի չեմպիոն «Մանչեսթեր Սիթիի» դեմ Չեմպիոնների լիգայի կիսաեզրափակիչի առաջին խաղից առաջ խոսել է մրցակցի նորվեգացի ռմբարկու Էրլինգ Հոլանդի մասին:
«Հոլանդը շատ վտանգավոր ֆուտբոլիստ է, որից միշտ պետք է սպառնալիք սպասես: Նա հստակ պատկերացում ունի այն մասին, թե ինչպիսին է ժամանակակից ֆուտբոլը:
Խնդիրը միայն Հոլանդին կանգնեցնելը չէ: Նախորդ տարի նույնպես «Մանչեսթեր Սիթին» շատ վտանգավոր էր, սակայն նորվեգացին նոր երանգ է տվել հարձակմանը»:
Անչելոտիի խոսքով՝ դիմակայության ելքը կորոշվի պատասխան խաղում, դրա համար իրենք պետք է Մադրիդում լավ արդյունքի հասնեն։
«Ռեալ» — «Մանչեսթեր Սիթի» հանդիպումը կմեկնարկի մայիսի 9-ին՝ Եևանի ժամանակով 23:00-ին ու կցուցադրվի «Վիվառո Սպորտ»-ի ուղիղ եթերում:
