«Էսպանյոլը» հայտարարություն է տարածել Իսպանիայի առաջնության 34-րդ տուրի խաղում (2:4) կրած պարտությունից հետո «Բարսելոնայի» ֆուտբոլիստների վրա հարձակված թիմի երկրպագուների պահվածքի վերաբերյալ։
««Էսպանյոլը» ցավում է առանձին իրադարձությունների համար, որոնք տեղի ունեցան մեր մարզադաշտում կայացած հանդիպման վերջնամասում։ Մենք վիրավորված ենք պարտությունից, բայց երբեք չենք ընդունի բռնությունը, ինչպիսին էլ որ այն լինի։
Մյուս կողմից, ցանկանում ենք շնորհակալություն հայտնել բոլոր երկրպագուներին, որոնք աջակցեցին մեզ այսօր և ամբողջ մրցաշրջանի ընթացքում՝ չնայած արդյունքներին: «Էսպանյոլը» ցույց է տալիս իր վճռական մերժումը ֆուտբոլային աշխարհում բռնության ցանկացած ձևի նկատմամբ և կօգտագործի իր տրամադրության տակ եղած բոլոր ռեսուրսները՝ այն արմատախիլ անելու համար՝ ցույց տալով, ինչպես միշտ, լիարժեք համագործակցություն իրավապահ մարմինների հետ այն ամենում, ինչ նրանք անում են»,- ասվում է ակումբի հայտարարության մեջ։
Հիշեցնենք, որ «Էսպանյոլի» երկրպագուները եզրափակիչ սուլիչից հետո վազեցին տնային խաղադաշտ, իսկ կենտրոնում «Բարսելոնայի» խաղացողները տոնում էին առաջնության չեմպիոնի տիտղոսը: Կատալոնական ակումբի ֆուտբոլիստներն արագ լքել են խաղադաշտը։
armsport. am
