Միլանի «Ինտերի» կիսապաշտպան Հենրիխ Մխիթարյանը մեկնաբանել է Ա Սերիայի 32-րդ տուրում Հռոմի «Լացիոյի» դեմ խաղում իր թիմի հաղթանակը (3-1):
«Առաջին րոպեներից մենք վերահսկում էինք խաղը, բայց, ցավոք, գոլ բաց թողեցինք: Սակայն չհանձնվեցինք. պայքարեցինք մինչև վերջ և փոփոխությունների օգնությամբ հաղթանակի հասանք:
Առաջնությունում դեռ մեկ ամիս կա. մենք ցանկանում ենք ներդնել մեր ամբողջ ջանքերը, հաղթել խաղերը և տեղ զբաղեցնել լավագույն քառյակում»:
Մխիթարյանի խոսքով դժվար ամիս է իրենց սպասում, բայց իրենք պատրաստ են այդ դժվարություններին․ «Մենք շատ ուժեղ կազմ ունենք, և ով էլ որ խաղում է, ամեն ինչ անում է, որ թիմին օգնի հաղթանակի հասնել»,- Հայաստանի հավաքականի նախկին ավագի մեջբերում է Inter TV-ն:
