Իտալիայի սպորտային վարչությունը չեղարկել է «Յուվենտուսից» 15 միավոր հանելու որոշումը և նոր դատական գործ հարուցել:
Իտալիայի բարձրագույն սպորտային մարմինը հինգշաբթի օրը՝ ապրիլի 20-ին, ֆուտբոլային դատարանին պարտավորեցրել է վերանայել իր նախկին որոշումը, որով «Յուվենտուսը» Ա Սերիայի ընթացիկ մրցաշրջանում զրկվել է 15 միավորից։
Իտալիայի 2022/2023 առաջնության ավարտին մնացել է 8 հանդիպում, այս որոշումը «Յուվենտուսին» բարձրացնում է մրցաշարային աղյուսակի յոթերորդ տեղից երրորդ՝ 59 միավոր ակտիվով, ակումբը 16 միավորով հետ է առաջատար «Նապոլիից»:
Այնուամենայնիվ, Իտալիայի սպորտային մարմնի որոշումը ժամանակավոր է և ուժի մեջ կմնա այնքան ժամանակ, քանի դեռ նոր դատական գործընթացները շարունակվում են:
Հիշեցնենք, որ Իտալիայի ֆուտբոլի ֆեդերացիայի դատարանը հունվարին «Յուվենտուսին» զրկել էր 15 միավորից Իտալիայի առաջնությունում ֆինանսական խարդախության պատճառով։ Դրանից հետո թիմը նահանջեց աղյուսակի տասներորդ հորիզոնական և ռիսկի ենթարկեց բաց թողնել Չեմպիոնների լիգայի հաջորդ մրցաշրջանը։
