«Բարսելոնայի» գլխավոր մարզիչ Չավին խոսել է Իսպանիայի գավաթի խաղարկության կիսաեզրափակչի «Ռեալի» դեմ պատասխան խաղում (0-4) թիմի ջախջախիչ պարտության մասին.
«Սա իմ ամենավատ գիշերը չէ: Հանդիպման առաջին հատվածում թիմը պահպանեց իր անհատականությունը։ Ես ավելի վատ գիշերներ էլ եմ ունեցել, երբ մենք մրցաշարերի չէինք մասնակցում: Պետք է հիշենք, թե որտեղ էինք անցյալ տարի։ Իսպանիայում տիտղոսներ նվաճելու համար դուք պետք է հաղթեք «Ռեալին», և այս տարի մենք պետք է մրցենք նրանց հետ: Սա ծանր երեկո է, բայց մենք պետք է լավատեսորեն տրամադրվենք»,- Չավիի խոսքերն է փոխանցում AS-ը:
Երկու խաղերի արդյունքներով «Ռեալը» ընդհանուր 4:1 հաշվով հաղթել է «Բարսելոնային» և դուրս եկել մրցաշարի եզրափակիչ, որտեղ կմրցի «Օսասունայի» հետ:
